Лым вылын гырысь гӧрд дзоридза чышъян.

Кодлӧнкӧ юр вылысь гывдӧма сійӧ —

Шондісӧ Зарань мӧй гумовтны пышйӧм?..

Кольны-ӧ лым вылас, босьтны-ӧ киӧ?..

Эновтӧм чышъянсӧ сибӧдлі бердам,

Шоныдӧн ӧвтыштіс дзоридза отыс.

Юр вылам павкниті, аддзисны медым,

Завидьла кодлыськӧ син вежӧн сотас.

Шуасны, эталӧн выль чышъян бара,

Аб-ӧ выль муслунӧн ойдӧма сьӧлӧм...

Ышмӧм ань кытчӧкӧ гӧнньӧма яра

Тӧвся туй вывтіыс доддялӧм вӧлӧн.