ЛЕСНИКӦС БУРМӦДӦНЫ

Таво Кужйӧ (Кулӧмдін вӧлӧсьтын) сетӧма вӧлі бесплатнӧй вӧр. Срок воигкежлӧ лесник Арсень сетіс кужсалы чорыд приказ, мед пӧ став керсӧ вӧлі лӧсьӧдӧма ӧтарӧ дінӧн да ӧтилаӧ. Кужса тӧдӧны, кутшӧм стрӧг лесник, мыйӧн бурмӧ, да лесник воигкежлӧ кер вайысь йӧз заптысисны ён самӧкурӧн. Локтіс кер видлавны лесник Арсень коннӧй Есевкӧд. Лесник Кывтыд Кужйын юис нёль лун чӧж. Ӧти мужиклы вӧлі вӧчӧны керка. Локтіс сэтчӧ лесник да шуис: «Вайӧ татчӧ четверть вина!» Арсень эз кут Кужйысь ӧти кер. Коннӧй ветліс ӧтнасӧн да сідзжӧ юис. Пырас керкаад да, кодлӧн эм керйыд, сетас клеймасӧ да тшӧктас асьнысӧ клеймитны. Тадзи кӧ служащӧйясыд кутасны уджавны, мужикыд ньӧтчыд оз велав вӧртӧ видзны.

Мунысь морт.