АВИАХИМ

«Коми морт» нима аэроплан стрӧитӧм вылӧ апрель 1 лунӧдз обласьт пасьта чукӧртӧма сьӧмӧн 3994 шайт 95 ур. Кутшӧмсюрӧ облигацияясӧн 347 шайт да дона (эзысь, зарни) кӧлуйӧн 2418 шайт 69 ур.

Май 1 лунсянь май 5-ӧд лунӧдз Сыктывдінкарын «Коми морт» нима аэроплан стрӧитӧм вылӧ ӧктысьӧмӧн чукӧртӧма 61 шайт 3 ур. Таысь кындзи, подписнӧй листӧн заграничаӧ аэропланъясӧн лэбзьылӧм вылӧ чукӧртӧма 39 шайт 84 ур.

Ставрочмувывса Авиахим сетӧма Коми Авиахимлы 50 пуд суперфосфат да 20 пуд фосфорит му бурмӧдӧм вылӧ. Быд уездын тулыснас петкӧдласны, кутшӧм бур сетӧ муыслы фосфоритӧн куйӧдалӧм.

Сыктывдінкарын перерегистрация бӧрын Авиахимӧ коли 1000 морт. Апрель 1 лун кежлӧ Емдін уездувса Авиахимын 410 шлен, Печӧраын 480 шлен.