НЫВБАБАКОСТСА УДЖ

— Обласьтувса нывбаба юкӧдӧн заведуйтысь Анисимова ёрт март тӧлысьын ветлӧма Изьваӧ. Сэні сійӧ нуӧдӧма кык вежӧн чӧж нывбаба костын уджалысьяс пиын курс. Курсъясӧдз нывбаба костын удж мунлӧма омӧля; ӧні надейтчам, уджыс кыпалас.

— Таво гожӧмын нывбаба юкӧд кӧсйӧ восьтыны быд вӧлӧсьтӧ челядьлы ясли. Вӧлӧсьтса нывбабаяслы колӧ отсавны тайӧ удж нуӧдны. Вӧлӧсьтувса бюджетъясӧн обласьт пасьта яслияс вылӧ таво кежлӧ лэдзӧма 10.165 шайт.

— Юнь тӧлысьын Сыктывдінкарын лоас тӧлысся курсъяс нывбаба костын уджалысьяслы. Быд уездысь корӧны 10 мортӧн.