СЬӦЛӦМ ПЕССЬӦМ

Коли тулыс, ар тай локтӧ,

Шоныд гожӧм эг аддзыв,

Сьӧлӧм коньӧр гусьӧн бӧрдӧ —

Сійӧс лыйис мича ныв.

Восьтывлас кӧ ловъя синсӧ,

Сись моз ӧзъя сэки пыр;

Видзӧдлас кӧ бӧрӧ кытчӧ,

Улӧ усьӧ менам ныр.

Сьӧлӧм пессьӧ, шогкӧд вензьӧ,

Сьӧкыд овны, быри шуд.

Гортысь пета, кыдз дор пукся,

Кодыр воас пемыд рыт.

Дыр ме кывза. Тӧв юр лыбӧ,

Кыддзыд вӧрӧ, чуктӧ кор;

Кыш-кыш кылӧ, тӧв юр лыбӧ,

Менам ловлы бара нор...

Югыд кодзув зэв дзуввидзӧ

Кымӧр сайӧ бердігӧн,

Менам чужан шудлун бырсьӧ

Сьӧлӧм шоглун сибдігӧн.

Дзурс пемыд тай гӧгӧр быдсӧн,

Матын абу муса ныв;

Ог ме кутлы сійӧс киӧн,

Ог ме кывлы мелі кыв.