ПӦДДЕЛЬНӦЙЫН

Пӧддельнӧй (Кулӧмдін уезд.) вӧлӧсьтын крестьянскӧй конференция водзвылын сиктъясын вӧліны собранньӧяс. Конференция заводитчис апрель 25-ӧд лунӧ. Волісны 47 делегат, кывзісны конференция тшӧтш уна пӧрысь да том йӧз. Конференция сетіс туй водзӧ удж нуӧдны волисполкомлы, мӧда-мӧдлы отсасян комитетлы да кооперативлы. Кооперативлы конференция шуис ӧдйӧнджык чукӧртны йӧзлысь уджйӧзъяс да перйыны приказчикъяслысь лотайтӧм сьӧмъяс; уездувса войтырӧс велӧдан юкӧд — корны восьтыны Навӧлӧк сиктӧ школа да Макар Керӧсӧ лыддьысян керка. Ас вӧлӧсьтын шуисны сувтӧдны гожӧм кежлӧ бура пӧжарнӧй удж да частӧджык крестьяналы чукӧртчывлыны сёрнитны овмӧс бурмӧдӧм йылысь.

Макаров Й. Ӧ.