УНА-ӧ ЧУКӦРМӦ КОМИ ОБЛАСЬТ ПАСЬТА НАЛОГ ДА МУКӦД ДОХОД

Сӧвет законъяс серти, став Союз пасьтаыс перйыссьӧ со кутшӧм налогъяс: видз-му уджалысь йӧзлысь — видз-му налог (сельхозналог), тӧргуйтысь да прӧмыслӧвӧй йӧзлысь — прӧмыслӧвӧй налог, служакъяслысь да рабочӧйяслысь — подоходнӧй налог, карса муясысь босьтсьӧ рента налог. Тайӧ шусьӧны веськыд налогъясӧн. Тайяс кындзи эм ещӧ косвеннӧй налогъяс. Татшӧм налогъяссӧ пуктӧны сов вылӧ, истӧг, мануфактура, вина, сакар, колоши вылӧ да мукӧд вылӧ. Татшӧм тӧварсӧ ньӧбысьяс тӧварсьыс донсӧ мынтігас мынтӧны тшӧтш косвеннӧй налог, мӧд ногӧн кӧ шуны — акциз.

Сэсся эм ещӧ пошлина — гербӧвӧй сбор, босьтсьӧ кабала-документ сетігӧн-босьтігӧн.

Вӧр ньӧбысьяс мынтӧны государстволы дон — попеннӧй плата.

Прӧмыслӧвӧй да подоходнӧй налогъяс мынтысьяс ещӧ мынтӧны содтӧд — 100% прӧмыслӧвӧй налог дінас да 25% подоходнӧй налог дінас. Тайӧ содтӧдыс мунӧ местнӧй бюджетӧ.

Сэсся перйыссьӧ (карса йӧзлысь унджыксӧ) местнӧй налогъяс (керкаясысь да мый да).

Миян Коми обласьтын 1924−25 воас перйыссьӧма со мыйта налогъяс да доходъяс:

1) Прӧмыслӧвӧй налог (патентъясысь да

уравнительнӧй сбор) .... 128.227 ш. 86 ур.

2) Подоходнӧй налог .... 25746 ш. 37 ур.

3) Сельхозналог .... 268826 ш. 00 ур.

4) Косвеннӧй налогъяс .... 38121 ш. 25 ур.

5) Единовременнӧй налог .... 9919 ш. 14 ур.

6) Рента налог .... 505 ш. 27 ур.

7) Гербӧвӧй сбор .... 78844 ш. 51 ур.

8) Содтӧд прӧмыслӧвӧй да подоходнӧй

налог дінӧ .... 136265 ш. 98 ур.

9) Местнӧй налогъяс .... 68569 ш. 78 ур.

_____

Став налогыс .... 755027 ш. 76 ур.

Медуна миян обласьт пасьта чукӧрмӧ вӧр доход (попеннӧй плата). 1924−25 вонас став леснӧй доходыс вӧрсьыс воӧма кассаясӧ 1.660.183 шайт 47 ур, да ещӧ мукӧд пӧлӧс доход — 236.54 шайт 21 ур.

Став налогыс да вӧр доходыс во гӧгӧрас чукӧрмӧма 2.438.865 шайт. 44 ур.

Сідзкӧ крестьяналӧн сельхозналогыс тайӧ став налог да доход дінас сӧмын 10,6%, мӧд ногӧн кӧ шуны — дасӧд юкӧныс став налог доход дінас.

Щ.