***

Венибын. Койгорт вӧлӧсьтын (Сыктыв у.) крестьяна вӧрын уджалӧм бӧрын пондісны волывлыны краснӧй уголокӧ, сӧмын лыддьысьныс нигаясыс сэні зэв этша да мукӧддырйи биыс оз овлы. Волполитпросвет венибса краснӧй уголок вылӧ омӧля видзӧдлывлӧ. Сиктын эм комсомол ячейка. Сэні 5 шлен, куимыс на пиысь неграмотнӧй. Ӧні вӧрысь да Сибырысь локталӧм бӧрын ячейкаын тӧдмасьӧны уставӧн да программаӧн. Пионер чукӧрын 15 морт. Лӧсьӧдісны пионер чукӧрсӧ неважӧн на, сы вӧсна уджсӧ бура пуктыны сэні эз на вевъявны.

А. Ош.