ЛЫДДЬЫСЯН КЕРКАЯС

Лыддьысян керкаяс вылӧ ӧні кутісны видзӧдны крестьяна бурджыка, сӧмын асьныс озджык на кутчысьны удж бердас. Став обласьт кузя ӧні восьтӧма 94 лыддьысян керка. Газетъяс, журналъяс да нигаяс воӧны сэтчӧ тырмымӧнджык нин, быд керкаӧ воӧ 10 пӧлӧсӧдз газет да журнал. Роч нигаяс быд сиктса лыддьысян керкаӧ воӧ 1200 нига. Коми нигаяс ыстыссьӧ ставпӧлӧсыс, коді петӧ Коми нига лэдзанінысь. Избачьясыс мӧдісны бурджыка уджсӧ нуны, унджыкыс нин тӧдӧны ассьыныс удж сямсӧ, дерт, ӧнітӧ эм на быдсяма ногӧн уджалысьыд, сӧмын сэтшӧмъясыс ньӧжйӧникӧн пыр ӧтарӧ велалӧны уджавнысӧ.

Сэсся асьныс крестьянаяс восьталӧны гӧрд пельӧсъяс. Ӧні кык уездын восьтӧма 88 гӧрд пельӧс.

Лыддьысян керкаясын эмӧсь кружокъяс: сельскокӧзяйственнӧй, политическӧй, эмӧсь военнӧй кружокъяс, дай мукӧд пӧлӧс.

Сэтшӧм керкаяссӧ уналасянь на корӧны восьтыны, да ӧні сьӧмным озджык тырмы быдлаас.