УДЖДЫСЬӦМЪЯС ЙЫЛЫСЬ

40 сюрс шайт лэдзӧма скӧт ньӧбӧм вылӧ.

(Комисельбанкын).

Мӧскуаысь воис Комисельбанкса председатель Бачуринскӧй ёрт. Сійӧ висьталӧ: Центр сетіс Комисельбанклы уджйӧзӧн 179 сюрс шайт, сэтысь 90 сюрс шайтыс кузь срока уджйӧзъяс.

Медуна сьӧм лэдзӧма скӧт ньӧбӧм вылӧ — 40 сюрс шайт. Миян Коми обласьт пасьта уна крестьяна война бӧрын кольӧмаӧсь вӧвтӧмӧсь. Ӧні найӧ тӧвариществояс пыр вермасны судзӧдны сьӧм вӧв ньӧбӧм вылӧ. Сӧмын тӧвариществояслы ковмас ёна видзӧдны, мед сьӧмсӧ босьтісны гӧль (вӧвтӧм) крестьяна да мед найӧ ньӧбисны вӧвъяссӧ, эз бокӧ видзны удждӧм сьӧмсӧ. Зэв лӧсьыд лоӧ гӧль крестьянаӧс ӧтлаавны артельясӧ куим-нёль крестьянаӧн да судзӧдны налы ӧти вӧв. Тадзинад налы регыдджык сетасны уджйӧз.

Сэсся Центр лэдзис 10 сюрс шайт Комисельбанклы основнӧй капиталас, 6 сюрс шайт нюр косьтӧм вылӧ, 4.400 шайт выль местаясын овмӧдчӧм вылӧ, сиктса кооперативъяслы основнӧй капиталӧ 11 сюрс шайт, электричество лӧсьӧдӧм вылӧ 15 сюрс шайт.

Тайӧ уджйӧзъяс лэдзӧма кузь срокӧн 3-сянь−5 воӧдз.

Сэсся 40 сюрс шайт лэдзӧма дженьыд срокӧн вый вӧчан тӧвариществояс вылӧ да 40 сюрс жӧ мукӧд удждысьӧмъяс вылӧ.