ЕНЛЫ ЭСКӦМ СЕМЬЯ КОСТ ОЛАННОГ ТОРКӦ

Выльгорт вӧлӧсьтын (Сыктыв у.) енлы эскӧм куим семьялысь оланногсӧ торкис. Ӧти бабалӧн висьтасиг-даръясигас сьӧмыс абу веськалӧма, мужикыс карын вӧлӧма да. Сы вӧсна баба мужикыс вылӧ лӧгасьӧма да оз сёрнит, нинӧм оз кер ни.

Юксьӧмаӧсь том гозъя дзик сы понда, мый ичмоньыслы вӧлӧм оз во сьӧлӧм вылас мужикыслӧн ӧбразъяс йылысь лёка сёрнитӧмыс.

Исполкомын служитысь пуктӧма аслас выль чужысь пилы ним «Юрий». Поп тайӧ нима кагатӧ оз пырт. Мамыс да пӧчыс кагалӧн повзисны да вайисны исполкомӧ кевмысьны вежны кагалысь нимсӧ: «Онӧ кӧ пӧ вежӧй, шыбитам кагатӧ да батьсӧ, гортысь вӧтлам». Со кутшӧм на пемыд йӧз эмӧсь Выльгортын! ен вӧсна ассьыныс олӧмнысӧ дзугӧны.

Кык син.