АС ВӦЧӦМ МАШИНА

Поёлса (Сыктыв у.) крестьянинлӧн П. Й. Ушаковлӧн эм канава да мыр перъян машина. Тайӧ машинасӧ Ушаков вӧчӧдіс аслас думайтӧм да арталӧм серти; сувтіс машинаыс 75 шайт кымын. Доригас ачыс кык-ӧ-куимысь кайліс Кажымас. Колян тулыс ӧтнас машинанас кодйис сажень 50−60 кузя да аршынӧн-джынйӧн пасьта канава вадорӧ лэччан туй бокӧ, нюрӧ. Сэсся лӧсьӧдіс, весаліс веськыд туй мельничасянь сиктӧ. Туйыс артмис дзик мир туй кодь. Колӧ бурджыка видлыны тайӧ машинаыслысь шогманлунсӧ.

А. Шуйскӧй.