КОЛӦ ДУГӦДНЫ КОСЯСЬӦМЫСЬ

Шыладор сиктын (Проньдор в. Емдін у.) эм зэв тышкасьысь зон Ӧньӧ Ивӧ. Петас Ӧньӧ Ивӧ ывлаӧ да, сійӧ и кыйӧдӧ, оз-ӧ сюр кодӧскӧ нӧйтны. Водзсасьны сыкӧд некод оз лысьт, весиг сылы паныд шыасьӧмысь том йӧз полӧны. Мукӧд лунӧ чукӧртас сійӧ челядьӧс да нуас найӧс сикт мӧдарпомса челядькӧд тышкӧдны; ачыс виччысьӧ, оз-ӧ кодкӧ пет челядьтӧ косясьӧмысь дугӧдны, да сэки сылы сюр тшӧтш косясьны. Ӧньӧ Ивӧлӧн ас кипод улас эм кымынкӧ зон. Косясигад найӧ видзӧдӧны пыр асланыс нырщик вылӧ; шыбитас Ӧньӧ Ивӧ зор, шыбитасны и найӧ. Унаӧс нӧйтліс Ӧньӧ Ивӧ, да судӧ некод оз лысьт сійӧс сетны, полӧны.

Ме.