ТОМ ЙӦЗ ТӦЖДЫСЬӦНЫ ВЕЛӦДЧӦМ ВӦСНА

Апрель 18-ӧд лунӧ Пӧддельнӧй вӧлӧсьтын (Кулӧмдін у.) вӧлі беспартийнӧй конференция том йӧзлӧн. Волісны бӧрйӧм йӧз вит сиктсянь 45 морт. Конференция вылас на кындзи вӧліны морт 20 том йӧз, пӧрысь мужикъяс да бабаяс. Медъёна том йӧз сёрнитісны велӧдчӧм йылысь да шуисны: миян сиктын пӧ югдӧдчан удж оз мун; водзӧ кежлӧ пӧ колӧ восьтыны краснӧй уголокъяс да частӧджык чукӧртчывлыны да сёрнитны мӧда-мӧдкӧд.