ПОП ЙӦЗӦС ПОВЗЬӦДЛӦ

Пожӧг вӧлӧсьтын (Кулӧмдін уездын) ыджыд видз дырйи висьтасиг-даръясигӧн поп зэв ёна повзьӧдлӧма йӧзӧс. Коді пӧ енлы оз эскы да поп-дякӧс оз пыдди пукты, мӧдысь ставнысӧ виаласны. Вот пӧ ме ӧні висьтасигад тіянӧс гижала бумага вылӧ, та серти пӧ мӧдысь и пондасны тӧдны енмыдлы эскысьястӧ. Челядьныд тіян мунӧны антикрист туйӧд, сьӧкыд кад воӧ налы водзын. Энӧ сетӧй ті найӧс велӧдчыны ӧнія школаад, ыстӧй ме дінӧ висьтасьны. Проповедь поплӧн весь оз вош. Бать-мам ӧні ыстӧны челядьӧс вичкоӧ, школьникъяслӧн школаӧ волӧмыс тӧдчымӧн шочмис. Оз-ӧ позь попыслысь вомсӧ неуна тупкыштны?

Антикрист да пеля морт.