СОТЧИС СТАВ ОВМӦСЫС

Март 30-ӧд лунӧ Ношуль вӧлӧсьтын Сӧкси нима сиктысь сотчис ыджыд выль керка. Ӧзйис керкаыс лун шӧр гӧгӧр. Ичӧтик сиктад (10 керка) йӧзыд этша, пӧжарнӧй машинаыд абу да, ӧзйӧм керкатӧ кусӧдны некыдз нин эз вермыны, весиг нинӧм эз вевъявны ӧти ыж да кукань кындзи. Крестьянинлӧн сотчис 11 душ скӧт (гырыся-посниа) да став новлан кӧлуйыс. Кыдзкӧ ещӧ нянь амбарсӧ вермисны видзны бисьыс. Ёна отсалісны кусӧдчыны Мурашысь нянь кыскысьяс.

Пӧжар кусӧдысь.