ВЫЛЬГОРТЫН

(Сыктыв уездын)

Пӧжарнӧй сарай.

Тырӧма лымйӧн; лоас кӧ пӧжар — кусӧдчан кӧлуй петкӧдны он вермы. Машинаяс пондӧмаӧсь сімны. Пӧжарнӧй ведраясӧн вӧдитчӧ исполкомса стӧрӧжыс. Пӧжарнӧй дружина ни, исполком ни та вылӧ оз видзӧдлыны, быттьӧ налы мог абу.

Кӧрым

таво скӧтлы уна оз тырмы, ньӧбны вывті донаысла унаӧн оз вермыны. Тулыс пом кӧ нюжалас кузьджыка, скӧт пондас кулавны тшыгла да висьӧмла, либӧ лоас начкавны.

Нюр косьтӧм

Мелиоративнӧй тӧварищество гожӧм кежлӧ заптіс уна вӧр кӧлуй (кер, ньӧр, майӧг) вӧчавны посъяс, шлюзъяс. Сельхозбанк кӧ сетас сьӧм водзӧсӧн, локтан гожӧмын лоас уна удж плӧтникъяслы да канава кодйысьяслы.

Мӧда-мӧдлы отсасян комитет

кӧсйӧ кок йылӧ сувтны. Собранньӧ вылын лӧсьӧдӧма шленскӧй взнос 20 ур быд керка юрӧ да 5% сельхозналог мынтан донысь. Чукӧртісны нин сё шайт гӧгӧр. Сэсся шуисны сэтчӧ сетны став вичко казна видзьяс да стрӧитны мельнича.