«Мед олас шонді!» сьылам

Да тшӧтш «Мед олас мам!»

И гортын олам-вылам

Да сійӧс радейтам.

Зэв муса визув юным

И дзоридзьяса видз.

Тан мусаторйыс уна,

Тан гӧгӧр ставыс мич.

Мый вермам, сійӧс вӧчам,

Оз дасысь шуны ков.

Бур кывйӧн пӧль да пӧчӧ

Век кыпӧдӧны лов.

Век ышӧдӧны бурӧ

И дона бать да мам.

Ми ёнасӧ ог дурӧй,

А содтам водзӧ сям.

И шудыс миян бокті

Оз кытчӧкӧ да мун.

Век ӧшинь улӧ локтӧ

Тан лэбач бордъя лун.

Век тшӧктӧ шаньӧн лоны

Тан шоныд сьӧлӧм дін.

Век лоас медся дона

Да муса чужанін.