ТУЛЫСЫН ӦЗИМЪЯСТӦ ПИНЁВТӦЙ

Тулысын сю ӧзим зэв бур пинёвтны. Сійӧс видлалісны нин зэв уна агрономъяс, уна крестьянаяс да пӧльза кындзи сэтысь нинӧм эз ло. Первойтӧ крестьяниныд думыштас да, дерт, тешкодь кажитчас ӧзимтӧ пинёвтӧмыд.

Быд уджлы аслас кад — шулывлӧны. Пинёвтны ӧзим колӧ кадын жӧ. Пинёвтны колӧ муыс косьмыштӧм бӧрын, сӧмын мед абу жӧ на вывті ёна косьмӧма; колӧ пинёвтны, кор муыс пинёвтігас посньыдика дрӧбалӧ.

Мыйла нӧ колӧ пинёвтнысӧ ӧзимъяссӧ? Пинёвтігӧн пиняыс нетшкӧ тӧвнас кулӧм ӧзим коръяссӧ да небзьӧдӧ мусӧ.