Йӧлӧга шыӧн

таланьӧ коркӧ волы,

Ас чужан муад

шондіа зэрӧн киссьы.

Бан бокӧс сотас

бытшласьысь синва солыс.

Ывлаӧ пета —

зэр ванас лолӧс мыська.

Мый йылысь тэнад

сёрниыд, асъя зэрӧй?

Кутшӧмджык кӧра

нормӧдан сьыланкылыд?

Турунъяс пӧвстті

сявкнитан серӧн-серӧн —

Ки пыдӧс вылысь

воськовтӧ тӧда-кыла...

Личалас сьӧлӧм,

дойяссьыс мынас лолӧй.

Олышт на, зэрӧй,

энлы на дзикӧдз эновт:

Сэтчӧ, кӧн тэкӧд

Шӧпкӧдчис менам томлун,

Паметьӧй медым

нуӧдлас бара менӧ.