Китыр

лым чирйӧн али кодзулӧн,

Тӧлӧй, чужӧмӧ коян мен?..

Олӧм дугдывтӧг,

Ньӧти сувтлытӧг

Тӧвзьӧ-котӧртӧ сӧмын водзланьӧ —

Томлун, вӧлін нӧ али эн?

Листъяс-лунъяссӧ шаргӧ-гылӧдӧ

Стенмын ӧшалысь календар.

Найӧс надзӧник

Кутӧ-качӧдлӧ,

Сэсся кытчӧкӧ нуӧ-кылӧдӧ

Турӧб-борд вылас сӧдз январ.

Ставсӧ меным тэ, олӧм, козьнавлін:

Тӧдлі быдторсӧ — шуд и шог,

Кыпыд вӧвлі и,

Нора бӧрдлі и,

Мый тон виччысьӧ сэні, водзиас,

Висьтав, тӧдан кӧ, лымйӧй, лок...