Кӧсъян — шенась,

Кӧсъян — горзы:

Гожӧм таво вывті озыр!

Абу ӧмидзӧн ли озйӧн:

Озыр сійӧ чушкан позйӧн!

З-з-і да з-з-і, да з-з-і, да з-з-і!

Полам гортысь петны ми!

Пывсян кӧджӧ сюйла нырӧс

Сэні чушканзіыд тырыс!

Сарай дорысь велик босьта

Сэні зіыд нырсӧ ёсьтӧ!

З-з-і да з-з-і, да з-з-і, да з-з-і!

Полӧй матыстчыны ті!

Буско чомйын ыджыд гаж,

Чушкан сьылӧ: дзуж да дзаж!

Вӧсни коска, сьӧд-виж сера,

Быттьӧ сералӧ да нерӧ:

З-з-і да з-з-і, да з-з-і, да з-з-і!

Чушканзіыд быттьӧ би!

Пасьтала ме тӧвся пась,

Гачала ме тӧвся гач,

Киын — кепысь, юрын — шлем,

Паныд меным сё сюрс ем!

Швуч да швач, да гиль, да голь —

Регыд ӧти поз эз коль!