ПОШТА КУД

Помӧсдін. Сордйывсалы. Ӧні исполкомъясын эм пуксьӧм йылысь инструкция.

Зеленеч. Кывзысьысьлы. Зэв шань, зільӧ кӧ волкомса секретарыд уджавны уджалысьяс дор.

Зеленеч. Собранньӧ вылӧ ысталысьлы. Ас костын мыйсюрӧ сӧрӧмысь некодӧс кутны он вермы. Лишнӧй видз-му босьтны оз вермы. Пондас кӧ йӧз костын сідзи сёрнитны, висьталӧ комсомол ячейкалы.

Поёл. Кок пӧла петуклы. Лёка олысь пионеръяс йывсьыд сёрнитӧ пионерскӧй собранньӧ вылад.

Кӧрткерӧс. Эп-пӧлы. «Коми Сикттӧ» колӧ бурджыка лыддьыны, медым кык пӧв ӧтитор йывсьыд оз ло тэнад гижӧма. Порсь пиянасьӧм йывсьыд неважӧн на печатайтлім.

Ыб. Кызъюровлы. Шеф нига да газет сетӧмӧн сӧмын вӧчӧ ассьыс шеф уджсӧ.

Паль. Тракторлы. Тіян эм нин лыддьысян керка, исполкомӧ мӧд лыддьысянін лӧсьӧдан да, ковмас торъя удж нуӧдысь сэтчӧ.

Чуклӧм. Кодкӧлы. Машина меститӧм йывсьыд шыась вӧлӧсьтувса скод вылад.

Помӧсдін. Сордйывсаяслы. Тіянлы газет лыддьӧмыд абу прӧста кад коллялӧм. Гижны да лыддьысьны велӧдчӧмтӧ газет лыддьӧм оз торк.

Айкина. Точкалы. Гӧльлун понда кӧ муніс «знакарка» дінад, эз мынтысь турун доддьӧн, пызандӧраӧн да йӧв кринчаӧн.

Кӧжмудор. Заводӧ ветлысьяслы. Ыстім Удж юкӧдӧ.

Лӧзым. Селькорлы. Лекарка йывсьыд оз мун. Поплы мынтысьӧны ас окотаысь. Биа висьӧмӧн кулысьясӧс вичкоын сьылӧдӧмысь колӧ исполкомлы дугӧдны.

Важкуа. Аддзысьлы. Избач йывсьыд редакцияын эм мӧд гижӧд, кӧні оз сідз гижны.

Помӧсдін. Пионерлы. Гижӧдтӧ мӧдӧдім Обкомолӧ.

Слӧбӧда. Видзӧдысьлы. Избач йывсьыд оз мун. Колӧ индыны, кыті сылӧн омӧль уджыс.