ПОТРЕБОБЩЕСТВО, ОТСАВ!

Семуков сиктын (Айкатыла вӧлӧсьтын) некутшӧм югдӧдан удж оз мун. Абу некутшӧм нига ни газет, том йӧзлы некытӧн кадсӧ коллявны да, косясьӧны. Весиг гӧрд знамя сиктас абу — праздникъяс дырйи нинӧмӧн петны. Колӧ Семуковӧ восьтыны кӧть ичӧтик лыддьысян керка. Воисны армияысь морт вит-квайт; найӧ зэв эськӧ кӧсйӧны том йӧзсӧ югдӧдан удж бердас чукӧртны, да сӧмын некодсянь некутшӧм отсӧг абу. Семуков сиктысь эм 80 кымын шлен Айкатыласа потребобществоын. Потребобщество некутшӧм отсӧг йӧзӧс югдӧдан удж вылӧ Семуковӧ оз сет, а аслас сиктас лӧсьӧдӧма быд керкаӧ электричество. Позис эськӧ отсыштны и пемыд Семуковса олысьяслы — мед кӧть эськӧ газет судзӧдіс да ичӧтик лыддьысянін восьтіс. Айкатыласа потребобщество, отсав аслад шленъясыдлы няйт гурансьыд петны!

А. П.