Лоис лӧзджык джуджыд енэж,

луныс гажа, шонді яр.

Пожӧм йылын баксӧ енмеж,

гожӧмыс пӧ лоас жар.

***

Уджач кодзувкотъяс жуӧны джуджыд кодзувкоткарын.

***

Кыйсян керка вылын курксӧ крукыля ныра кырныш.

***

Катша китшкӧ, рака кравзӧ,

тури кривзӧ, байдӧг баксӧ,

пышкай чирзӧ, каля горзӧ,

утка герчкӧ, дзодзӧг гогзьӧ.

***

Пашкыр бӧжа урпи арбыд заптысьӧ,

ӧктӧ кольтусь, килльӧ коль да тшакасьӧ.

***

Лёльӧ бӧрся вӧтчӧ нидзув.

Лёльӧ дыш, а нидзув визув.

Лёльӧ надзмис, ӧдва вӧрӧ.

Нидзув колис сійӧс бӧрӧ.

***

Сьӧд вӧр шӧрын пушыд сюзь

буксӧ шуштӧма, оз узь.

Оз и мудз, кӧть войыс кузь.

Сёян корсьӧ, синмыс сюсь.