ПЕС ЧИПАС

Медводдзаысь тэча пес чипас. Орччӧн пӧчӧй сулалӧ. Велӧдӧ, кыдзи колӧ тэчны пессӧ, мед чипасыс бӧрыннас оз киссьы. Став сьӧлӧмсянь зіля, мед быд пес ас местаӧ веськалас, мед чипасыс веськыд лоас. Дзик быттьӧ серпас лӧсьӧдан. Зэв на бура и артмӧ. Но коркӧ матыстчӧ пӧчӧй, довкйӧдлыштӧ юрнас. Босьтӧ киас вӧсни пес чурка да помнас пескӧ тотшйӧдлӧмӧн пондӧ лӧсьӧдны чипасӧс. Серпасӧс вежӧ. Но розьясыс век жӧ кольӧны. Быд морт ӧд ас ногыс аддзӧ ассьыс пес чипассӧ.