АДДЗӦМТОР



Машук петіс кильчӧ вылӧ —
Кыськӧ нора нявзӧм кылӧ.
Синсӧ увлань чӧвтіс сюся:
Кысільӧй тай, зарни тусьӧй,
Кыськӧ налӧн йӧрӧдз воӧм.
Мый нӧ тэкӧд, кагук, лоӧм?
Ачыд воштін муса котыр,
Либӧ вӧтлісны скӧр войтыр?
Туйыд вайис миян дінӧ,
Сідзкӧ, босьта шоныдінӧ.
Чӧсмӧдлышта Сюрук нӧкйӧн,
Висер юысь чери пӧкйӧн.
Видлам корсьны мелі мамтӧ,
Пашкыр бӧжа, мича, рамтӧ.
Оз сюр — кольччан аддзӧм гортӧ,
Лоан меным медбур ёртӧн.
Шыр да чери ӧтув кыям.
Олӧм лоас шуда, выя.
Ӧні гортӧ пырам, Нявӧ,
Нимкодясясны мед ставӧн!