ӦТИК-МӦТИК



1 Сиктса ӧти керка бокын
Коді оз да ӧмидз вотӧ?

2 Коді батькӧд тутш да тотш
Керйӧ тувъяліс кык потш?

3 Мамкӧд коді вӧлі рад
Ёг весавны куим град?

4 Кодлӧн медбур ёртыс нёль:
Васьӧ, Петьӧ, Ӧньӧ, Толь?

5 Коді талун пӧрысь пӧчлысь
Умис азыма вит сӧчӧн?

6 Кодӧс чойыс босьтліс сьӧрысь
Вайны квайт гоз корӧсь вӧрысь?

7 Асывводзын тыысь коді
Воккӧд кыйис сизим ёді?

8 Кодлӧн гидас бальӧ-чаньыс
Овмӧдчӧма дзонь кӧкъямыс?

9 Ыджыд батькӧд кодлӧн ӧкмис
Ведра картупельыс ӧкмыс?

10 Тайӧ ачым, зіль да ён.
Мишук, дас арӧса зон.