ВА ПЕЛЬСА



Пельса, пельса, гӧгрӧс бок,
тэныд веськодь гортса нок.
Пусянінын вугралан,
баруньӧ моз пукалан.

Важӧн тэнӧ тэчисны,
коз пу пӧвйысь вӧчисны,
крепыд асык дасьтісны,
льӧм пу ньӧрйӧн гартісны.

Помтӧг коран ва, кӧть рам,
гортӧ мудзтӧдз ваялам
бурня* васӧ пельса тыр,
медым аскиӧдз эз быр.

Пельса, пельса, гӧгрӧс бок,
тэ ӧд вӧчан ыджыд мог.
Аттьӧ тэныд, дырджык ов,
видз да югзьӧд керка лов!

*Бурня — юкмӧс.