ПОШТА КУД

СЛӦБӦДА. АДДЗЫЛЫСЬЛЫ. Колі гижны, кыдзи волисполкомса уджалысьясыс уджсӧ нуӧдӧны волисполкомас, торкӧ оз юӧмыс налы уджсӧ нуӧдӧмысь.

УЖГА. ПОПОВЛЫ. Гижӧдъясыд оз мунны. Нига воштӧм йывсьыд зэв тӧдчытӧмтор, а скӧт лечитысь йывсьыд колі гижны: кор абу ветлӧма да код корӧмӧн абу волӧма.

ПОЁЛ. ПРОЕЗЖӦЙЛЫ. Сельписьмоносеч йывсьыд оз мун. Колӧкӧ ӧтикыс оз вермы вӧчныс уджсӧ да сійӧн эз босьтны.

ПОЁЛ. ГӦРД ПЕЧИКЛЫ. Ершов йывсьыд гиж стенӧ ӧшӧдан газетад.

ЫБСА КРЕСТЬЯНИНЛЫ. Тэнӧ нӧ адвокатас Русьыс медаліс али мый? Газетын гижӧдыд оз мун.

МАЛЬЦЕВЛЫ. Бюллетеняс Наркомфиныдлӧн индӧма ӧтлаалӧм вӧлӧсьтъяс (укрупненные волости), сы вӧсна сэн ыджыдджык жалӧванньӧ пуктӧма.

ПОМӦСДІН. КОНӦ ЯКОВЛЫ. «Коми Сикт» газет разӧдны кутчысис пошта. Мый понда тэныд эз вайны бӧръя номеръяссӧ, шыасьлы Помӧсдінса пошта-телеграф контораӧ.

УСТЬ-КУЛОМ. ДЕДОВЛЫ. Коми гижӧд йывсьыд оз мун.

ВИЗЯБӦЖ. КОМСОМОЛЪЯСЛЫ. Падей поптӧ став йӧзыс нин тӧдӧ.

ВЕТЛЫСЬ-МУНЫСЬЛЫ. Выльторсӧ нинӧм абу гижӧмыд, та йылысь вӧлі нин.

СОВПАРТШКОЛА. ЧАПИНЛЫ. Тӧдчанаыс нинӧм абу — оз мун.

БОГОРОДСК. КОМИ МОРТЛЫ. Юралысьлӧн удж ыджыд, гижысь дорсьыс этшаыс абу.

ЛЫАТЫ. ЮАСЬЫСЬЛЫ. Гашкӧ кооперативыдлӧн выныс абу отделенньӧсӧ восьтыныс шленас пыртӧгыс да.

ДИКӦ СИКТ. ПОЖӦМЛЫ. Гижӧдтӧ ыстім ОЗУ-ӧ.

КОЙТЫБӦЖ. ЧУШКАНЗІЛЫ. Колі кӧ гӧль йӧзлы нажӧтка корсьны, станциятӧ колі босьтны мӧда-мӧдлы отсасян комитетлы.

СЮЗЬЛЫ. Колӧ пасйыны ассьыд ним-овтӧ дай оланінтӧ, сытӧг огӧ печатайтӧ.

ПОМӦСДІН. ВОЛОРГАНИЗАТОРЛЫ. Школаын велӧдысьяс керӧны сӧмын ассьыныс уджсӧ.

ПАЛЬ. ЖМИТӦМ МОРТЛЫ. Профсоюзӧ пырӧм уджтӧм мортлы места сетсьӧ медвойдӧр.

ПОМӦСДІН. ЯГ ЗОНЛЫ. Бурсьылысьяс йывсьыд уна нин гижлӧма.