РАДИО КРУЖОК

Пожӧгын (Кулӧмдін у.) февраль тӧлысьын лӧсьӧдісны кружок ОДР (Общество Друзей Радио). Собранньӧ вылын шленъяс шуисны вӧчавны Пожӧгувса сиктъясын собранньӧяс да висьтавлыны крестьяналы радио бурлун йылысь. Собранньӧ вылын бӧрйисны торъя мортъясӧс, мед найӧ вӧчаласны сиктъясын собранньӧяс да чукӧртасны сьӧм крестьяна пӧвстысь радио вылӧ. Тайӧ шуӧм кузя Полльӧса крестьяна пӧвстысь комсомолеч да школаса велӧдысь чукӧртісны 2 пуд да 35 пунт сю да 8 шайт 35 ур сьӧм. Мукӧд сиктъясӧ бӧрйӧм шленъяс абу на чукӧртлӧма йӧзсӧ сёрнитнысӧ радио йывсьыс.

Шлен радиоысь.