ИНВАЛИД КООПЕРАТИВЫН ОМӦЛЬ ЮРАЛЫСЬ

Ыбын (Сыктыв у.) инвалидъяс кооперативын ӧні юралӧ М. П. Митяшин. 1919−20-воясын Митяшиныс исполкомын юралысьын олігӧн видзліс зэв уна сьӧм. 1924ʼ воын сійӧ вӧлі исполкомса юралысьӧс вежысьын. Сэки сійӧ чукӧртліс крестьяналысь нянь, сӧмын нянь босьталӧмсӧ прамӧя некытчӧ абу пасъявлӧма, торъя нигаяс абу вӧлӧмаӧсь. Сэтысь Митяшинӧс чӧвтлісны исполкомысь срокӧдзыс дай судӧ сетлісны, сӧмын ӧнӧдз на буракӧ делӧсӧ эз видлавны. Сы бӧрын Митяшин вӧлі юралысьын общественнӧй лавкаын. Сэки кооперативад куш стенъясыс кольлӧмаӧсь. Ӧні на крестьяна полӧны кооперативӧ шленӧ пырӧмысь; сьӧмыд пӧ сӧмын вошас сэтчӧ — шуӧны. Ӧні Митяшин ёрт инвалиднӧй кооперативад пондӧма документъяссӧ дзеблавны. Ми полам, оз-ӧ коркӧ Митяшин став сьӧмсӧ кооперативлысь дзеб да лавкасӧ тупкы.

«Тӧдысь»