НЫВБАБАЯС ВОСЬТӦМАӦСЬ ГЫРЫСЬӦС ВЕЛӦДАН ШКОЛА

Сернӧсын (Сыктыв у.) нывбаба праздник лунӧдз Грезд да Улпон сиктъясын вӧчлісны нывбаба собранньӧяс. Собранньӧ вылӧ воліс уна баба, пӧрысь и том. Грездса да улпонса бабаяс собранньӧ вылас шуисны ӧтувтчӧмӧн судзӧдны няръясян машинаяс. Грездса бабаяс чукӧртӧмаӧсь машина вылӧ 17 шайт сьӧм да тшӧктӧмаӧсь сельскокӧзяйственнӧй тӧвариществолы машинасӧ судзӧдны. Улпон сиктын чукӧрмӧма няръясян машина вылӧ 27 шайт сьӧм. Улпонса бабаяс собранньӧ вылас ещӧ тшӧктӧмаӧсь восьтыны гырысьӧс велӧдан школа. Март 5-ӧд лунӧ школа вӧлі восьтӧма. Ӧні сэні быд рыт велӧдчӧ 18 морт.

Ключ.