ТАВОСЯ ЗЕМЛЕУСТРОЙСТВО

Таво сӧвет правительство РСФСР пасьта сьӧм босьттӧг гӧль крестьяналы землеустройство нуӧдны сетіс 3.529.800 шайт сьӧм.

Видз-му Комиссариат 1925 воын на ещӧ лӧсьӧдліс, кутшӧм губерняясӧ мында сьӧм сетны. Ӧні кежлӧ джын сетӧм сьӧмсӧ разӧдӧмаӧсь нин губерняясувса видз-му юкӧдъясӧ.

Медуна сьӧм сетсьӧ шӧр губерняясӧ. Сэтчӧ РСФСР бюджет серти сетӧма 404 сюрс шайт дай союзнӧй бюджет серти сетӧма 578 сюрс. Ставсӧ сэтчӧ сетӧма 982 сюрс шайт.

Ставсӧ РСФСР пасьтаыс сӧвет государство ас тшӧт вылас кӧсйӧ нуӧдны землеустройство 5.937.100 десятина вылын, 600 сюрс гӧль крестьяналы.

Тайӧ удж вылас кӧсйӧны индыны 2 сюрс саяс землемерӧс.