ЛӦСЬӦДӦМА ПЛАН ПЕКИН БОСЬТӦМ ЙЫЛЫСЬ

ПЕКИН. Капиталист государствояс шуӧны: Народнӧй армия эськӧ кужӧ кутны Пекинын пӧрадок, сӧмын сійӧ отсалӧ китайса уджалысь йӧзлы мынтӧдчыны капиталист кипод улысь. Сы вӧсна капиталист государствояс кӧсйӧны сетны Пекин кар Чжан Цзолиньлы либӧ У Пэйфулы. Япония веськыда шуӧ сетны Пекинсӧ Чжан Цзолиньлы; Америкаса Соединённӧй Штатъяс оз сӧгласитчыны та вылӧ. Чжан Цзолинь лӧсьӧдӧма план Пекин босьтӧм йылысь. Англия ёна старайтчӧ Чжан Цзолиньлы отсыштны Пекинсӧ босьтны да тшӧктӧ Чжан Цзолиньлы вӧтлыны Китайысь сӧветса посолӧс Карахан ёртӧс. Чжан Цзолинь кывзас кӧ Англияыслысь, Англияыс сы пыдди кӧсйӧ сетны сылы ыджыд заём. ТАСС.