ЫДЖЫД МАМЛӦН ШУД

Стенсянь видзӧдӧ важся карточка,
Шӧпкӧ-висьталӧ тувсов мойд.
Сьӧлӧм нюкыртмӧн лолӧй ыпъялӧ,
Чӧвтӧ кыдз пуыс синва войт.

Припев:

Муслуна тулыс воліс, миянкӧд сьыліс-оліс,
Тэд и меным колис радейтана дзоридз.
Курыд войнаыс шудсӧ ньылаліс,
Том олӧмсӧ эз тай видз.

Дзоргӧ-видзӧдӧ том кад олӧмыс,
Синтӧ курӧдӧ шудлӧн би.
Киад гудӧкыд, менам дзоридзьяс,
Томӧсь-мусаӧсь вӧвлім ми.

Припев.

Кольӧ воясыс, бурдӧ дойясыд,
Ӧні пиыд нин лоис дед.
Гудӧкасьӧны со тай внукъясыд,
Нимкодясьны жӧ эськӧ тэд.

Припев.

Дзик жӧ сідз гудӧк кылӧ,
Дзик жӧ сідз нылыс сьылӧ,
Чужан муас налӧн шудыс олӧ-вылӧ.
Мед жӧ ворсӧны, мед жӧ сьылӧны,
Радейтчӧны-олӧны.