МИ ТЭКӦД ДЫР НИН ОЛАМ

Ми тэкӧд дыр нин олам шонді визулас,
И сьӧлӧм миян век на вӧлі пӧсь.
Ми тэкӧд лёксӧ йӧртім ыджыд из улас
Да, енсыкӧдӧн, вель на шудаӧсь.

Мен мамӧ шуліс: нимкодьла пӧ пӧсявлі,
Кор синъяс улӧ гозйӧн усинныд.
Тэд век на менам ньылыд кывйӧй лӧсявліс,
А меным — тэнад пыдди пуктӧмыд.

И код нӧ эськӧ тэд да меным висьталас,
Ми, татшӧмъясыс, енъюгыдас кысь?
Вай ӧшинь улысь дзоридзьяссӧ кисьталам,
Ӧд оз на зэр и, гашкӧ, аскомысь.