МОРӦС БЕРДАС ВИДЗЬЯС...

Морӧс бердас видзьяс
Сибӧдісны русӧ.
Ланьтіс бура важӧн
Бадьяс костын ю.
Мичасьыс на мича,
Мусасьыс на муса,
Гажасьыс на гажа
Миян чужан му.

Шонді вӧр-пу йылӧ
Зарни тывйӧн келіс.
Тӧлысь вылын вала
Мунӧ мича ныв.
Мыласьыс на мыла,
Мелісьыс на мелі
Нимкодясьӧ талун
Миян сьыланкыв.

Китӧ киын кута,
Сьӧлӧм бердӧй шоныд.
Тэнӧ сылӧн пӧсьыс
Век на шонтыліс.
Шудасьыс на шуда,
Донасьыс на дона,
Лӧсьыдсьыс на лӧсьыд
Тайӧ олӧмыс.