КЫДЗСӦ КУСЫНЬТІ...

Кыдзсӧ кусыньті корӧсь перйыны,
Вожыс нюгыльтчис да эз чег.
Кытчӧ ветлыны, кодлысь юавны,
Тэнӧ вунӧді али эг?

Тэкӧд сӧмын ме овны кӧсйылі,
Да вот торъялім кыдзкӧ ми.
Кусӧм бипурыд зэв на ӧзйылӧ,
Сӧмын чуткыны колӧ би.

Алӧй дӧрӧмӧн асъя кыаыс
Лунсӧ пасьтӧдӧ, радліс мед.
Воас арпомыс юсьяс шыаыс,
Найӧ бӧрдасны мен и тэд.

Кыдзсӧ кусыньті корӧсь перйыны,
Вожыс нюгыльтчис да эз чег.
Кытчӧ ветлыны, кодлысь юавны.
Тэнӧ вунӧді али эг?