ВЫЛЬ ПОБЕДА

Кыпыда, паськыда

Бара тулыс мича нюмӧн воис
Да Победа нимӧн локтіс лун.
Фронтӧвикыс зэв нин этша лоис,
Но эз некод паметьсьыным вун.

Припев:

Некод дзик эз вун,
Нинӧм дзик эз вун,
Ставыс миян сьӧлӧмъясын олӧ.
Вылын кутӧй юр,
Ставыс лоӧ бур,
Выль Победа миянлы зэв колӧ.

Саридзалӧм юяс весьтӧд лэбӧ
Муса чужан муас воӧм юсь.
Синваыд кӧ петӧ, энӧ дзебӧй,
Сійӧ некор весьшӧрӧ оз усь.

Припев.

Сійӧ-й шудыс, му вылас мый олам,
Да мый орччӧн асланым ныв-пи.
Век Победа шедас ыджыд лолӧн,
Некодлы ог сетчӧй некор ми.

Припев.