ПОБЕДАЛӦН ГУДӦК

Рыт пыдӧсыс оліс на шудӧн,
Но асывсӧ чишкаліс би.
И колльӧдіс фронт вылӧ гудӧк
Да мунісны батьыскӧд пи.

Припев:

Победалӧн гудӧк —
Победалӧн гор,
Победалӧн бордыс да лолыс.
Век ышӧдіс шудӧн,
Век вӧлі йӧз дор
Да та вӧсна сьӧлӧмын олӧ.

Вир сорласис вакӧд да мукӧд,
Враг пасьвартіс сэті и тат.
Но чуксаліс ловзьыны гудӧк
Да восьлаліс водзӧ салдат.

Припев.

Дыр овлісны гыбалан рутӧг,
Кор мудз дорӧ гажыс эз ков.
Но шыасьліс небыда гудӧк
Да муслунӧн ӧзйыліс лов.

Припев.

Лун кольлывліс сёйтӧг да ютӧг,
Но мӧдарӧ некод эз мун.
Век водзланьӧ нуӧдіс гудӧк
Да пуксис Победалӧн лун.

Припев.