ТУРИЯСЫС БӦРДДЗӦМАӦСЬ ГОРТЫН

Туриясыс бӧрддзӧмаӧсь гортын...
Гашкӧ, сійӧн петӧ синва моль,
Мый Победа дорысь ловъя мортыс
Регыд ньӧти му вылын оз коль.

Регыд мунас медбӧръя салдатыс
Кодӧс Енмыс видзыштӧма сэк.
Но Победа сылӧн коляс татӧн,
Но Победа сылӧн олас век.

Некор мувыв олысьыс оз вунӧд,
Кыдзи шедіс водзӧ оландыр.
Тури кельӧб лэбзьӧ тувсов лунӧ,
Чужан муным сьыланкывйӧн тыр.