ВЕРМӦМ

Марш ногӧн

Тані сэки зэв жӧ вӧлі лёк,
Тані сэки зэв жӧ сьӧкыд вӧлі.
Война вайис помасьлытӧм шог,
Быттьӧ эз и сывлы йиа тӧлыс.

Припев:

Вермим, вермим омӧльяссӧ ми,
Кыдзи шуис миян ыджыд пи.
Тадзи лоас шонді улас век,
Некод некор миянӧс оз чег.

Вӧлі лёк, но гӧгӧр быдмис нянь.
Вӧлі лёк, но шыасьліс и гудӧк!
Бӧрдім ми, но нюмдыліс и ань,
Коръясӧкӧ шонавлім жӧ шудӧн.

Припев.

Век ӧд кокъяс вылӧ сувтам бӧр,
Некор дзикӧдз эг на усьлӧй лолӧн,
Сы вӧсна мый миян сьӧлӧм шӧр
Шонді биӧн куслытӧг век олӧ.

Припев.