ЫДЖЫД МАМ

Ыджыд мамӧ зільӧн вӧлі,
Олӧм гӧль да пызан тыр.
Эз кӧ лолы яй ли йӧлыс,
Тшак да вотӧс вӧлі пыр.

Ыджыд мамӧ шаньӧн вӧлі,
Мед кӧ шуліс мисьтӧм кыв.
Сылӧн небыд вӧлі гӧлӧс,
Сылӧн шоныд вӧлі сыв.

Ыджыд мамӧ этша оліс —
Сизимдаснад этша, дерт.
Эськӧ олыштны на коліс,
Внукъяс радейтісны мед.

Ыджыд мамӧ, муса мортӧй, 
Тэтӧг гажтӧм тані мен,
Кӧть и эськӧ ола гортын,
Кӧть и видзӧ быттьӧ Ен.