БАРА НА ГОРТӦ

Бара на гортӧ ме, дзоляник Габовӧ муна,
Гӧгыльяс гартчӧны, киясӧй кутӧны руль.
Лёкиник туйыс да, гураныс-джопканыс уна,
Кӧть и том арыс эз несйы ни зырымсӧ суль.

Тюрӧ машина, а регыд на подӧн ӧд ветлім,
Грездсянь посёлокӧдз вӧлі дзор ялаа яг.
Лӧзъюгыд асывнас туйӧ ми кодъяскӧ петлім,
Гортланьӧ воигӧн босьталім туй боксьыс тшак.

Ягъясыс абуӧсь, пуритӧ нитш подйыс роскӧн,
Кӧнъяскӧ петлӧны кад вылас ягсер да гоб.
Эмӧсь на дзоляник Габовын пыжӧй и пескӧй,
Абуӧсь тшыгъяс да керкаӧс некод оз шоб.

Сьӧдасьӧм олӧмыс юрсиктын пӧлӧс да гажтӧм,
Сійӧн и гортӧ век тэрмася, сюрӧ кӧ лун.
Тані на-й кывбурсӧ-сьылансӧ вӧр-ваыс вашкӧ,
Татчӧ на-й локта да некытчӧ сэсся ог мун.