МУСА ПАРМА

Некор абу чужанінад лёк,
Кӧть и овлӧ сійӧ чорыд киа.
Бара корис менӧ Керӧс бок,
Кӧть и абу асылыс на биа.

Дзоляника тыдалыштӧ нин,
Восьлала верст-мӧдсӧ да и югдас.
Гос оз сыв ни тушанам ог чин,
Лэчкасьӧмысь некор ме ог дугды.

Кысь нӧ сэсся аддза татшӧм мич,
Кысь нӧ сэсся татшӧм шыяс кыла?
Ог кӧ тайӧс сьӧлӧм шӧрам видз,
Ӧдвакӧ ӧд шогманасӧ сьыла.

Муса парма, водзӧ видза ов, 
Став бур йӧзсӧ гажӧд, верд да юктав.
Кулӧмъяслы нинӧм нин оз ков,
Ловъяяслы быдторсӧ вай чуктӧд.