ЧУЖАНІНЫН ОЛЫСЬ

Ме ӧд абу кыськӧ ылысь —
Ме ӧд миян парма вылысь,
Кӧні ёльыс юӧ усьӧ,
Муыс чужанінӧн шусьӧ.

Сьыла, кутшӧм сійӧ мича,
Сьӧлӧм бердын нэмсӧ видза.
Сьӧлӧмын жӧ енэж лӧзыс,
Уджсӧ тӧдысь миян йӧзыс.

Сэн жӧ медся муса мортӧй,
Батьӧй-мамӧй, ставнас гортӧй.
Таысь нимкодь, таысь шуда
Да ме юрӧс вылын кута.

Абу кысянькӧ ме волысь,
А шань чужанінын олысь.
Сійӧс сьӧлӧмнам ме кыла
Да став сьӧлӧмсянь и сьыла.