ЧУЖАН СИКТЫН

Чужан сиктын олам-вылам,
Кӧні ю да кӧні вӧр.
Ӧта-мӧдӧс шаня кылам,
Нэмсӧ чӧскыд олан кӧр.

Тась ог вӧрзьӧдчӧй ми карӧ,
Сэн оз лэбав миян лов.
Абу на ми курас-карас,
Йӧзлӧн гудӧкыс оз ков.

Мый нӧ кӧть и сьӧкыд овлӧ,
Сьӧкыд абу сӧмын тан.
Мый нӧ кӧть и боті новлам,
Сьылам ӧд и «Шондібан».

Бурсьыс бурджыкӧс ог корсьӧй,
Да и некытысь оз сюр.
Сьӧлӧм, тӧдӧмысь, оз сорсьы.
Шуӧ: тан пӧ медся бур.