НЕКОДӦС ЭГ ВУНӦДӦЙВойнаыс изіс кымынӧс, Век тӧдмалам на ми. Сэк сувтсаӧн и кымыньӧн Тшӧтш вӧлі грездса пи. Эз ӧтиӧс — дас ӧкмысӧс — Сэк сетіс Габов грезд, Мед мустӧм вӧрӧг тшӧкмуніс, Мед шедіс дона мезд. Дзик быдӧн кыйсьысь-вӧралысь, Сэк повтӧм вӧлі лов. Фашистӧс сійӧ шӧраліс, Эз весиг тшӧктӧм ков. Сэсь сэсся бӧрсӧ кызвыныс Эз Воч ю дорӧ лок. Оз муса шыяс кывзыны, Оз тӧдны шуд ни шог. Зэв ӧдйӧ кадыс мунӧ да, Он казявлы и лун. Но некодӧс эг вунӧдӧй Да нинӧмыс эз вун! Часовня весиг кыпӧдім Да гижим ставлысь ним. И енэжланьыс лыбӧны Ен кыв и миян гимн. Лодыгинъяс, Лютоевъяс, Морохинъяс — шань йӧз, Ті лоанныд век ловъяӧсь. Век лоӧ енэж лӧз.
