ФРОНТ ВЫЛЫН НЁЛЬ ВО ЧӦЖ

Ыджыд фронтӧвӧй туй вуджис Габов деревняса олысь Сергей Никифорович Лютоев. Войналӧн медводдза лунъяссянь сійӧ дорйис Ленинград, тышкасис Ладога дорын. Вӧлі автоматчикӧн. Сы бӧрын — Коймӧд Украинскӧй фронт, Венгрия мездӧм. Сэки сійӧ тышкасис нин артиллерийскӧй часьтъясын. С. Н. Лютоев бура помнитӧ, кутшӧм ыджыд радлунӧн виччысисны мукӧд государствоясса йӧз ассьыныс мездысьяссӧ. Водзын нӧшта на чорыд тышъяс. Война помаліс Вена карын. Часьт, кӧні служитіс сійӧ, вӧлі мӧдӧдчӧ нин Асыввылӧ, пасьвартны японскӧй милитаристъясӧс, но эз нин удайтчы. Помасис и Япониякӧд война.

Матӧ нёль во чӧж вӧлі С. Н. Лютоев фронтъяс вылын, быдторсӧ тӧдліс да аддзыліс. Боевӧй наградаяс дорӧ неважӧн содіс нӧшта ӧти — мӧд тшупӧда Отечественнӧй война орден.

Ӧні сійӧ олӧ Габово деревняын. Пыр на вӧчӧ вермана удж. Пӧрысь нин, а пыр на збодер да удж радейтысь морт.